इंदापूर :- दि. 12/10/2024 वंचित बहुजन युवा आघाडी पुणे जिल्हा पूर्व मधील इंदापूर तालुक्यातील तीन शाखेचे उदघाट्न करण्यात आले. त्यामध्ये भिगवन येथील तक्रारवाडी, इंदापूर शहर व बावडा शहराचे शाखा कार्यकारणी निवड व जाहीर करण्यात आली. वंचित बहुजन आघाडीचे राष्ट्रीय अध्यक्ष श्रद्धेय प्रकाश तथा बाळासाहेब आंबेडकर व प्रदेशाध्यक्ष निलेशजी विश्वकर्मा व महासचिव राजेंद्र दादा पातोडे यांच्या आदेशाने, पुणेजिल्हा निरीक्षक ऋषिकेश दादा नांगरे पाटील यांच्या मार्गदर्शनाखाली गाव तिथे शाखा अभियान अंतर्गत प्रत्येक गावा गावात गाव तिथे शाखा अभियान चालू आहे त्यानुसार पुणे जिल्हा युवा आघाडीचे जिल्हाध्यक्ष मंगलदास निकाळजे यांच्या हस्ते व प्रमुख उपस्थितीमध्ये शाखेचे उद्घाटन करण्यात आले या शाखेची निर्मिती वंचित बहुजन युवा आघाडीचे इंदापूर तालुका अध्यक्ष किर्तीकुमार वाघमारे यांनी केली. यावेळी नुकत्याच भिगवन शहरातील युवती वैष्णवी कांबळे यांनी वंचित बहुजन युवा आघाडीत जाहीर प्रवेश केला असल्यामुळे त्यांना वंचित बहुजन युवा आघाडी इंदापूर तालुका उपाध्यक्षपदी नियुक्त करण्यात आले त्याचप्रमाणे संतोष चव्हाण यांची तालुका महासचिव पदी व मल्हारी तिकोटे यांची तालुका संघटक पदी निवड करून त्यांना नियुक्तीपत्र देण्यात आले. या कार्यक्रमासाठी वंचित बहुजन युवानआघाडीचे जिल्हा महासचिव प्रतीक चव्हाण, पुणे जिल्हा उपाध्यक्ष गणेशजी थोरात, विनय दामोदरे, बारामती तालुका संघटक आनंद जाधव उपस्थित होते. कार्यक्रमाची सुरुवात हलगीच्या तालात मोठ्या उत्साहात भिगवण येथील तक्रारवाडी येथून करण्यात आले. त्यानंतर दुसरी शाखेचे उद्घाटन इंदापूर शहरात सावता माळीनगर या ठिकाणी करण्यात आले. व सायंकाळी मोठ्या जल्लोषात बावडा शहरात वाद्याच्या तालात व फटाकड्यांच्या आतिषबाजीत भव्य पायी रॅली काढून बावडा शहरनकार्यकारणी शाखेचे उद्घाटन करण्यात आले. या सर्व शाखेंची उद्घाटन जिल्हाध्यक्ष मंगलदास निकाळजे यांच्या हस्ते करण्यात आली. यानंतर सभेचे आयोजन करून तालुकाध्यक्ष किर्तीकुमार वाघमारे यांनी प्रस्तावना केली यानंतर जिल्हाध्यक्ष मंगलदास निकाळजे यांनी गाव तिथे शाखा अभियान राबवून प्रत्येक गावामध्ये कार्यकर्ते घडवून कार्यकर्त्यांचे प्रश्न तसेच गावातील सर्व समस्या सोडवण्याचे काम करणार असल्याचे सांगितले व कार्यकर्त्यांना मार्गदर्शन शिबिरे घेऊन प्रशिक्षण देण्याचे देखील सांगितले येणाऱ्या विधानसभे संदर्भात कार्यकर्त्यांनी सज्ज राहण्यासाठी मार्गदर्शन केले. यानंतर जिल्हा महासचिव प्रतीक चव्हाण यांनी पक्षाच्या ध्येय धोरणाबाबत व पक्ष वाढी संदर्भात व येणाऱ्या आगामी विधानसभा निवडणुका संदर्भात मार्गदर्शन केले, उपाध्यक्ष गणेश थोरात यांनी शाखेच्या पदाधिकाऱ्यांना शुभेच्छा दिल्या. यावेळी तालुक्यातील उपाध्यक्ष गणेश जाधव उमेश मोरे, महासचिव सोमनाथ खानेवाले, सदस्य अमीर सय्यद,सचिव प्रीतम कांबळे, संघटक सुहास कांबळे, इंदापूर शहराध्यक्ष निलेश मखरे. उपाध्यक्ष अजय साळुंखे महासचिव तेजस सरतापे. विजय पवार, हनुमंत ठोकळेआदी सर्व शाखांचे पदाधिकारी खूप मोठ्या प्रमाणात कार्यकर्ते उपस्थित होते.
